తనపై వచ్చిన మీమ్స్ లో మూడింటిని మెచ్చుకున్న కాంగ్రెస్ ఎంపీ శశి థరూర్

ఇటీవల కేరళలో ఓనం పండుగ జరగ్గా, కాంగ్రెస్ ఎంపీ శశి థరూర్ వీరావేశంతో కొబ్బరికాయ కొడుతున్న ఫొటో అందరినీ ఆకర్షించింది. అయితే, ఆ ఫొటో కంటే ఆయనపై వచ్చిన మీమ్స్ సోషల్ మీడియాలో వైరల్ అయ్యాయి. ఆయన కొబ్బరికాయ కొడుతున్న పోజును వివిధ సందర్భాలకు అన్వయించి నెటిజన్లు రూపొందించిన ఆ మీమ్స్ అందరినీ అలరించాయి. ఎంపీ శశిథరూర్ కూడా తనపై వచ్చిన మీమ్స్ ను ఆస్వాదించారు. వాటిలో మూడు మీమ్స్ తనకు బాగా నచ్చాయని ఆయన పేర్కొన్నారు. వాటిని తన ట్విట్టర్ ఖాతా ద్వారా పంచుకున్నారు.